Në prag të sezonit veror të këtij viti duket se Pogradeci është i vendosur në Top listën e qyteteve që ka kërkesa të larta për tu vizituar nga të huajt. Së fundmi Drjetori i Drejtorisë së Trashëgimisë Kulturore, Turizmit dhe Rinisë në bashkinë e Pogradecit Ledjan Zeqollari ka shpëndarë lajmin se një agjensi turistike greke “Travel Tales” do të sjellë këtë sezonë mbi 3 mijë turistë gjermanë për të vizituar Pogradecin dhe zonat e tij historike.
Në Lin
Me Giannis Panos (në mes) menaxheri i përgjithshëm i agjencisë turistike greke “Travel Tales”, i cili në bashkëpunim me turoperatorët vendas, ka si synim të sjellë në Pogradec mbi 3 mijë turistë gjermanë në vit. Pasi i pa vetë nga afër, fshatin Lin si dhe mozaikët e Bazilikës Paleokristiane, tashmë pjesë e UNESCO-s, Panos u shpreh i bindur se ky do të jetë një destinacion mjaft i pëlqyer për turistët të cilët do të zgjedhin Pogradecin nëpërmjet “Travel Tales”.
Vitet e fundit Pogradeci e ka zgjeruar ofertën e paketës turistike duke dalë nga guacka e turizmit klasik, vetëm atij liqenor. Sipas të dhënave tashmë janë markuar dhjetra shtigje malore për ecje në natyre, janë prodhuar broshura për të aksesuar monumentet natyrore dhe ato arkeologjike si edhe kulturore. 100 ditë në Pogradec është kalendari i aktiviteteve që Pogradeci e organizon prej 3 vitesh, ky kalendar parashikon aktivitete artistike, kulturore, ekspozita, hiking, sporte ujore, maratona etj.
