Pas publikimit të një videoje në rrjetet sociale, ku një burrë shihej duke tërhequr për flokësh një vajzë të mitur në rrugët e Korçës, Policia ka identifikuar dhe shoqëruar në komisariat dy shtetas, burrë dhe grua, të shfaqur në pamje. Nga verifikimet rezultoi se burri në video është babai i vajzës, shtetasi M. U., 33 vjeç, me shtetësi holandeze.
Në përfundim të veprimeve procedurale, ndaj tij ka nisur procedimi penal për veprën “Keqtrajtimi i të miturit”, ndërsa Policia e Korçës falënderon qytetarët dhe median për ndihmën në evidentimin e rasteve të tilla, duke ftuar publikun të denoncojë çdo rast dhune.
