Shtetasi A. A., 45 vjeç, banues në fshatin Libonik, është proceduar penalisht nga policia pasi dyshohet se ka kanosur dhe fyer katër gazetarë gjatë një proteste të zhvilluar përpara godinës së Bashkisë Maliq.
Kanosja e gazetarëve gjatë protestës në Maliq
Sipas njoftimit zyrtar të Policisë, 45-vjeçari po merrte pjesë në protestën kundër shkrirjes së Bashkisë Maliq, kur ka fyer dhe kanosur gazetarët Xh. Sh., A. B., I. R. dhe S. Xh., të cilët ndodheshin në terren për të pasqyruar zhvillimet për mediat ku punojnë.
Referimi i çështjes në Prokurorinë e Korçës
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme. Për këtë rast, 45-vjeçari akuzohet për veprat penale “Kanosja për shkak të detyrës” dhe “Fyerja”. Zhvillimi pason tensionet e raportuara më parë gjatë protestave të zhvilluara në Maliq.
