Kandidati i Partisë Socialistë Ilir Xhakolli zhvilloi një takim me artistët e Pogradecit të cilët veprojnë në fushën e pikturës, muzikës, letrave etj. Në diskutimin e bërë me ta Xhakolli ka përmendur disa prej projekteve që janë zbatuar në 4 vitet e kaluara në funksion të turizmit dhe artit si Odoeonin e qytetit, sheshin e trëndafilave deri tek program veror 100 ditë në Pogradec.
Xhakolli theksoi se në 4 vitet e ardhshme duhet krijuar një grupim mes artistëve të cilët duhet të japin opinionin dhe mendimin e tyre në lidhje me projketet të cilat bashkia ka ideuar në vazhdimësi. Projekti më kryesor në shërbim të kësaj fushe do të jetë një “Galeri Arti” në natyre, e cila do të nisë nga puna së shpejti dhe do të jetë në krah të Odeonit.
Gjithashtu në këtë takim është folur edhe për projektin që do të zbatohet së shpejti në rikualifikimin urbane të lagjeve historike “Topleci dhe Naim Frashëri” këto dy lagje krahas investimit dhe elementëve urbanë do të kenë brenda tyre edhe Shtëpitë Muze të Lasgushit e Mitrushit, Fototekën Misto Cici, Muzeun Etnografik dhe Muzeun e Shkolës së dytë Shqipë.
