Në kuadër të Ditës Kombëtare të Trashëgimisë Kulturore, Bashkia Devoll organizon më 30 shtator aktivitetin “Dita e Trashëgimisë Kulturore në Devoll”, me qëllim ruajtjen dhe përcjelljen e vlerave etnografike e shpirtërore tek brezat e rinj përmes artit e kulturës.
Aktiviteti do të zhvillohet në pedonalen e qytetit të Bilishtit, duke nisur nga ora 12:00, dhe do të sjellë një ekspozitë të pasur me:
- veshje popullore tradicionale,
- punime artizanale me dru, gur, tekstile, endje, thurje e punime prej metali,
- si edhe artin e gatimit tradicional të zonës së Devollit, me receta autentike të trashëguara ndër vite.
Nxënës të shkollave të qytetit dhe të njësive administrative përreth do të marrin pjesë me kontributin e tyre, duke e kthyer këtë ditë në një udhëtim kulturor që forcon identitetin dhe krenarinë për traditat devollite.
Organizatorët ftojnë qytetarët dhe vizitorët të bëhen pjesë e këtij eventi kulturor, i cili i jep jehonë trashëgimisë së pasur të Devollit.
