Një 70-vjeçar është gjetur i pajetë mëngjesin e sotëm në afërsi të lumit në fshatin Tren të Devollit. Sipas policisë, trupi i viktimës, i identifikuar si J. S., banues në fshatin Pilur, u konstatua rreth orës 08:40, ndërsa ai ishte shpallur në kërkim prej datës 29 qershor 2025, pas largimit nga banesa.
Nga të dhënat paraprake, nuk janë vërejtur shenja dhune, dhe dyshohet se 70-vjeçari ka humbur jetën si pasojë e mbytjes. Grupi hetimor ndodhet në vendngjarje dhe po punon për të përcaktuar shkakun e saktë të vdekjes dhe për të sqaruar rrethanat e plota të ngjarjes.
