Lasgush Poradeci është mes nesh, vargjet e tij do të pasojnë kohët me krenari të përjetshme për pogradecarët dhe mbarë shqiptarët.
Llazar Gusho (i njohur me pseudonimin Lasgush Poradeci) lindi në datën 27 Dhjetor 1899 dhe ndërroi jetë më 12 Nëntor 1987 në Tiranë.
Ai ishte shkrimtar, poet dhe përkthyes, i cili nuk bëri kurrë kompromise me artin e tij, duke i kushtuar kjo një gjendje jo të mirë ekonomike dhe indiferentizëm nga shtypi zyrtar i kohës.
Por, pas vdekjes së poetit dhe ndërrimit të sistemit, vargu Lasgushian është dhe vijon të jetë ushqim për brezat.
***
Hija ime nuk di dhunë,
Di veç frymë lirie
Dhe di punë, punë, punë,
Mund pa fund për art magjije.
Dhe të shoh të pasqyruar
Vetëveten fije- fije,
Fije – fije poezie,
Që mban erë Shqipërie
(Shkëputur nga Trashëgimi, L. Poradeci)
