Një 16 vjeçare nga qyteti i Korçës po ndiqet penalisht pasi ka dëmtuar makinën e njerkut të saj. Ajo ka thyer xhamat e makinës, kjo ka ardhur si pasojë e një debati mes tyre i cili ka agravuar dhe adoleshentja nuk është vetëpërmbajtur.
Njoftimi i policisë;
DVP Korçë/Procedohet në gjendje të lirë 1 shtetase, për vepra të ndryshme penale
-Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për një 16-vjeçare, pasi në lagjen nr. 4, Korçë, dyshohet se ka dëmtuar me send të fortë, xhamat e automjetit të njerkut të saj.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
