Një aksident është shënuar ditën e sotme në aksin Korçë-Voskop ku dy makina të tipit “BMW” dhe “Seat” janë përplasur, si pasojë ka mbetur i plagosur shtetasi 39 vjeç, banues në Tiranë.
E ndërsa në Korçë janë përplasur dy mjete, në Pogradec një person 50 vjeçar u kap duke drejtuat mjetin në gjendje të dehur dhe pa leje drejtimi.
Ja deklarata e Policisë;
DVP Korçë/Vihen në pranga 2 shtetas, për vepra të ndryshme penale.
Specialistët e Trafikut Urban dhe Interurban të DVP Korçë, arrestuan në flagrancë shtetasit:
- Y. B., 30 vjeç, banues në fshatin Goskovë, Korçë, pasi në rrugën “Korçë-Voskop”, ne dalje të qytetit Korçë, duke drejtuar automjetin tip “BMW”, është përplasur me automjetin tip “Seat” me drejtues shtetasin S. B., 41 vjeç, banues në Tiranë.
Për pasojë është dëmtuar shtetasi F. Xh., 39 vjeç, banues në Tiranë, pasagje në automjetin tip “Seat”, i cili u transportua në spitalin e Traumës Tiranë, ku ndodhet jashtë rrezikut për jetën.
- P. V., 50 vjeç, banues në Pogradec, pasi në Pogradec, u kap duke drejtuar automjetin, në gjendje të dehur.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
