Specialistët e Sektorit për Hetimin e Traffiqeve në Drejtorinë Vendore të Policisë Korçë kanë referuar materialet në Prokurori dhe kanë nisur procedim penal ndaj një shtetasi italian, 31-vjeçar, me inicialet L. C.
I riu është kapur nga autoritetet duke drejtuar një automjet që dyshohet të jetë vjedhur në Mbretërinë e Bashkuar. Pas kontrolleve të kryera, dyshimet për origjinën e automjetit dhe përfshirjen e tij në veprimtari të jashtëligjshme u përforcuan, çka çoi në hapjen e hetimeve.
Sipas burimeve nga policia, veprimtaria lidhet me trafikun e mjeteve motorike të vjedhura, një fenomen që vijon të jetë shqetësues në rajon. Materialet procedurale tashmë i janë dorëzuar Prokurorisë pranë Gjykatës së Shkallës së Parë Korçë për hetime të mëtejshme, ndërsa pritet që hetimet të zbardhin nëse i riu është i përfshirë në një rrjet më të gjerë trafikimi.
Policia ka bërë thirrje që qytetarët të raportojnë çdo rast të dyshimtë që lidhet me veprimtaritë e paligjshme të trafikut të automjeteve, në mënyrë që të ndihmojnë organet ligjzbatuese për parandalimin e këtyre fenomeneve.
Njoftimi i policisë;
DVP Korçë
Specialistët e Sektorit për Hetimin e Trafiqeve referuan materialet në Prokurori, ku filloi procedimi penal për shtetasin italian L. C., 31 vjeç, për veprën penale “Trafikimi i mjeteve motorike”, pasi drejtonte një automjet që dyshohet se është vjedhur në Mbretërinë e Bashkuar.
