Një investim sa i kërkuar aq edhe i nevojshëm është duke u zbatuar më në fund nga bashkia e Pogradecit. Fshati Çerrave e cila rezulton një nga njësitë me numrin më të madh të popullsisë në Pogradec po përfiton asfaltimin e rrugës kryesore.
Një rrugë e cila ishte në gjendje tepër të keqe kjo edhe si pasojë e kalimit të kamionëve të tonazhit të rëndë në të.
Duhet sjellë në vëmendje se 3 muaj më parë banorët e këtij fshati u ngritën në protesta për gjendjen e rrugës dhe kalimin e kamionëve, asokohe ata kërcënuan se nuk do të lejonin kalimin e tyre nëse bashkia nuk do të merrte masa.
Ditët e fundit bashkia njoftoj se ka nisur tashmë asfaltimin e rrugës, por pyetja që ngrihet është çfarë do të ndodhë me kamionët e tonazhit të rëndë pasi nëse ata do kalojmë sërish aty rruga rrezikon të prishet sërish.
