Nëse do udhëtosh për punë a për hall drejt Strugës, të gjithë jemi dëshmitarë se si në dalje të Shqipërisë apo në hyrje të saj do të presësh mbi 1 orë në radhë për të kaluar kufirin.
I gjithë shkaku i kësaj zallamahie e cila duket se i ka dalë jashtë kontrollit edhe autoriteteve të kufirit janë makinat që hyjnë dhe dalin nga 4-5 herë në ditë për të marrë naftë në maqedoninë e veriut dhe kjo ndodh nën hundën e të gjithëve. Nën zë të gjithë e pranojnë se ai është shkaku, por duket se kjo gjë të gjithëve iu pëlqen, i pëlqen shoferëve por edhe ndonjë punonjësi i cili çoç e ngjyen ndopak dorën gjatë këtyre kalimeve.
Dakord, të gjithë do punojnë të nxjerrin bukën e gojës por pse u dashka që për përtacinë e tyre përtacinë e tyre të torturohen me orë të tëra qytetarët e tjerë apo turistët duke pritur në doganë.
Nuk është e vështirë të konstatohet kjo gjë, mjafton të shohësh se sa herë hyn e del një mjet në këtë pikë kalimi kufitar për të kuptuar se çfarë është duke bërë në shtetin fqinj.
Tani dy gjëra janë, ose lërini këto mjete të punojnë gjithë ditën në këtë lloj forme ose zgjidheni dhe hiqni torturën që shkaktohet 2 apo 3 herë në ditë në këtë pikë kalimi, pasi po torturoni qytetarët e thjeshtë, turistët por edhr tregun vendas.
Boll më, të gjithë e kemk qejf kontrabandën dhe lekun, por kjo është e patolerueshme.
