Fillon së shpejti gazfikimi i qytetit të Korçës.
Bashkia e Korçës është në finalizimin e një prej projekteve më të mëdha të kësaj bashkie, që ka të bëjë me sistemin e ngrohjes të banorëve të këtij qyteti por dhe sigurimin e gazit për bizneset dhe industrinë përpunuese.
Kryetari i bashkisë së Korçës, Sotiraq Filo ka bërë me dije se një ditë më parë ka pasur një takim me konsulentët e nënkontraktuar nga kompania shtetërore Azerbajxhanase SOCAR, të cilët po punojnë për hartimin e studimit të fizibilitetit nga ana teknike për t’i dhënë kështu zgjidhjen përfundimtare ngrohjes të qytetit.
Sipas Filos deri në fund të vitit ka përfunduar i gjithë studimi.
I pyetur nëse në sistemin e ngrohjes do të përfshihen vetëm banesat kolektive apo dhe ato private, kryebashkiaku tha se projekti përfshin jo vetëm banesat kolektive dhe ato private por edhe bizneset dhe industrinë përpunuese.
Sipas kryebashkiakut kostoja e ngrohjes me gaz është shumë herë më e ulët se ajo me dru zjarri dhe ngrohje me alternativë, ndersa ka bërë me dije se në vitin 2025 fillon dhe ngrohja me gaz në qytetin e Korçës.
Projekti i ngrohjes me gaz është projekt pilot në Korçë, duke u bërë kështu qyteti i parë në shkallë vendi që siguron ngrohjen në këtë mënyrë
