Liqenorët e Pogradecit kanë mundur Luftëtarin në fushën e tyre duke marrë kreun e renditjes. Ka qenë një ndeshje tepër e fortë dhe e një niveli të lartë të ngjashme me ato të superiores kjo e sotmja.
Pavarësisht motit me shi, pogradecarët kanë qenë tepër të motivuar për marrjen e fitores dhe ja kanë dalë. Ka qenë Nallbati i cili ka shënuar golin e vetëm të ndeshjes, i cili i ka dhënë fitoren liqenorëve, ndërkohë që më herët iu ishte anulluar një gol nga anësori.
Ndeshja ka marrë edhe përgëzinet e institucionit lokal të qyteti, bashkia në faqen e saj ka shpërndarë videon e golit duke theksuar se janë drejt arritjes së objektivave.
Bashkia Pogradec:
Një super ndeshje kjo e sotmja përballë Luftëtarit, ku liqenorët arritën të marrin 3 pikë të arta falë golit të Nallbatit. Një lojë e shkëlqyer dhe e një niveli të lartë e cila e çoi Pogradecin në krye të renditjes me 23 pikë.
Me këtë ritëm ekipi do ja dalë të arrijë të gjitha objektivat. Urime!
