Zyrtarisht jemi në dimër dhe tashmë reshjet e dëborës do të jenë të pranishme në cdo kohë. Dëbora është rikthyer sërish këtë të premte në juglindje të vendit duke përfshirë Dardhën, Vithkuqin dhe Qafën e Qarrit.
Sipas të dhënave dëbora i ka kaluar 5 cm në këto zona dhe reshjet vijojnë të bien me intesitet. Autoriteti rrugor bën me dije se për momentin nuk ka asnjë problematikë në akset nacionale të juglindjes së vendit.
Probleme pritet të shkaktohen në njësitë administrative sic është ajo e Vithkuqit, pasi sasia e dëborës që bie në Shtyllë dhe Mashkullorë është më e madhe se në zonat e tjera.
Nga grupet e emergjencave civile bëhet me dije se janë në gadishmëri për të ndërhyrë për çdo situatë apo thirrje ndihme që mund të vijë edhe nga banorët e zonave të thella.
