Një ngjarje makabre ka ndodhur në fshatin Buçimas të qytetit të Pogradecit, ku 4 persona të maskuar zbresin nga një automjet të tipit Passat pa targa dhe qëllojnë me thikë dhe mjete të forta një 28 vjeçar. Pasi e kanë qëlluar janë larguar me shpejtësi.
I plagosuri është dërguar në spitalin e Pogradecit dhe ndodhet nën kujdesin e mjekëve.
Ende nuk dihen rrethanat dhe arsyet e kësaj ngjarjeje. Policia po punon për zbardhjen e të dhënave.
Njoftimi i policisë;
Pogradec/Informacion paraprak
Më datë 06.01.2023, rreth orës 10:40, në fshatin Buçimas, gjatë një konflikti midis disa personave dyshohet se është dëmtuar me sende të forta shtetasi A. J., 28 vjeç, banues në Buçimas, i cili u dërgua për mjekim në spital.
Nga ana e Policisë po punohet për identifikimin dhe kapjen e autorëve të dyshuar.
Grupi hetimor po punon për sqarimin e rrethanave të ngjarjes.
