Inspektorati Kombëtar i Mbrojtjes së Territorit ka ndërmarrë këtë të premte një aksion për të prishur punimet e kryera pa leje në banesën e mjekut të njohur Sotir Polena.
Konkretisht po hiqen disa kangjella të vendosura pa leje nga njëri prej djemve të doktorit, çështje të cilën është bërë denoncim në qershor të 2021-shit.
Por teksa IKMT-ja dhe policia kanë shkuar të zbatojnë ligjin, ka tërhequr vëmendjen sjellja e Sorina Kotit, ish-deputetes së Lulzim Bashës, e cila është kthyer me Rithemelimin.
Sorina Koti ka tentuar të bllokojë punonjësit e IKMT-së dhe policisë në Korçë. Deputetja ka shkuar të pengojë zbatimin e ligjit për shembjen e ndërtimeve pa leje në këtë banesë.
Koti është “hedhur me dy këmbë” në paligjshmëri pasi shteti duhet të veprojë dhe deputetët nuk mund të shkojnë të bllokojnë institucionet të zbatojnë ligjin.
Siç është raportuar edhe më parë, prona e mjekut është trashëguar nga djemtë e tij, por njëri prej tyre ka ndërhyrë pa leje mbi këtë monument ikonik, duke e bërë si burg.
Marrë nga CNA
