Mario Çaçi, i riu nga Maliqi ka publikuar filmin e tij të parë të titulluar “Vragë”.
Ja çfarë shkruan Mario në faqen e tij facebook;
Kam kënaqësinë të publikoj sonte trailerin e filmit tim të parë të titulluar “Vragë”, i cili ishte një punë sa sfiduese aq edhe i bukur për mua.
Si një film studenti me plot peripeci nga ana buxhetore, jam i lumtur që kam nxjerrë një punë të bukur, por ashtu si gjithçka, asgjë nuk mund të bëhet vetëm. Ndaj e ndjej në vetvete të falenderoj disa njerëz, pa të cilët ky film do të kishte dalë me shumë mangësi.
Së pari më duhet të falenderoj profesorin tim udhëheqës Besnik Bisha, i cili ndoqi gjatë gjithë kohës punën time në konceptin regjisorial.
Së dyti më duhet të falenderoj ekipin dhe njëkohësisht shokët e mi tepër të talentuar, duke filluar që nga Enton Lazaj, Renis Hyka, Arlind Kola, Ardit Vila, dhe në veçanti Enis Cela Produciton, i cili xhiroi dhe editoi pa u lodhur draft pas drafti filmin, sëbashku me bashkëpunëtorin e tij Kevi Brame Films, si edhe Marsel Krushova, që i dha origjinalitet filmit me muzikën e tij.
Zoti ju bekoftë të gjithëve!
Së fundi nuk mund të rri pa përmendur aktorët e filmit, duke filluar nga i madhi Myzafer Zifla (kënaqësi që të kisha), faleminderit shumë miku im Islam Kondi , Kriks Dumo, Enton Lazaj, Franc Bregu, Marius Hajdajar , Bario Hoxhalli, Albana Hoxhallari.
Faleminderit që i dhatë emocione çdo sekonde në film. (shpresoj të ketë një rrugëtim festivalesh)
“VRAGË”
PREMIERË 1 KORRIK
ORA 18:00 , SALLA BLACK BOX, AKADEMIA E ARTEVE TIRANË
HYRJA E LIRË
