Nga data 14-19 Korrik nëpërmjet pikës së kalimit kufitar të Qafë Thanës kanë hyrë e kanë dalë mbi 25.000 shtetas ndryshe 6000 shtetas me shume se ne vitin 2023.
Vetem gjatë 24 orëve nga Maqedonia e Veriut kanë lëvizur në të dyja anët e kufirit më shumë se 9600 shtetas shqiptarë e të huaj.
Lëvizja e shqiptarëve nga Maqedonia e Veriut në drejtim të Shqipërisë sipas autoriteteve tona të kufirit pritet të jetë më i madh në ditët në vijim
Nëse në Qafë Thanë ka patur me tepër lëvizje gjatë këtyre ditëve, krejt ndryshe paraqitet situata e hyrje daljeve në pikën e kalimit kufitar të Kapshticës
Burime zyrtare thanë se nga data 14-19 të këtij muaji nga Greqia në drejtim të Shqipërisë kanë hyrë rreth 14 mijë shtetas, kryesisht emigrantë shqiptarë të kthyer për pushime.
Një vit më parë në të njëjtat ditë nga Greqia drejt vendit tonë kanë hyrë rreth 19.000 shtetas. Ajo çka bie në sy është ulja e numrit të hyrjeve nga Greqia drejt Shqipërisë për këtë vit
