Pas vitesh studimi dhe eksperience në universitetet dhe strukturat më të njohura shëndetësore në Kinë, mjeku neurolog Dr. Renardo Liço, sjell për pacientët në Spitalin Amerikan 3, përvojën e një vendi i cili gëzon një pozitë të rëndësishme në elitën e mjekësisë botërore.
I specializuar kryesisht në goditjet në tru, për të cilën po mbron edhe doktoraturën në Universitetin Juglindor Nanjing në Kinë, Dr. Renardo është vlerë e shtuar e ekipit të STROKE në Spitalin Amerikan 3, ku ndodhet edhe qendra më e avancuar në rajon për trajtimin e këtyre patologjive.
Në vitin 2021, Dr. Renardo ka përfunduar Masterin e Shkencave (Bachelor of Medicine – Clinical Medicine), në Mjekësi, Universiteti Juglindor Nanjing, Kinë, një ndër universitetet më të mira në botë.
Mjeku i talentuar neurolog, gëzon gjithashtu një përvojë pune 3 vjeçare si ndihmësmjek në departamente të ndryshme në Spitalin ‘Zhongda’ në Universitetin Juglindor në Nanjing, Kinë, nën kujdesin e profesorëve më të shquar, eksperiencë e cila ka thelluar njohuritë dhe aftësitë e tij profesionale.
Tashmë Dr. Renardo Liço është pjesë e Departamentit të Neurologjisë në Spitalin Amerikan 3.
