Situata në Parkun Kombëtar të Prespës është alarmante
Kryetari i bashkisë së Pustecit Pali Kolefski thotë se tashmë flakët kanë hyrë në thellësi të parkut kombëtar.
Nëse deri ditën e sotme vatrat e shumta të zjarrit kanë përshirë masivin e pyllit me ah, tani rrezikohet edhe pylli i pishave
Nëse ndodh kjo, katastrofa do të jetë e jashtëzakonshme thotë ai.
Kryetari i bashkisë Pustec tregon se është e vërtetë që janë shtuar forcat por terreni i thyer malor dhe mungesa e ujit e bën të pamundur izolimin e flakëve. E vetmja shpresë është krijimi i korridoreve.
“Në qoftë se situata nuk ndryshon nga dita e sotme, Parku Kombëtar i Prespës do jetë thjesht një kujtim” – thotë Kolefski.
Deri më tani janë djegur plotësisht më shumë se 900 hektarë kullotë, bimësi medicinale dhe pyll ahu në Parkun Kombëtar.
