Një fenomen i pazakontë dhe i rrezikshëm po ndodh në liqenet unike akullnajorë në Valamarë.
Liqenet qindra vjeçare po thahen!
Ende mbetet e paqartë se përse ka ndodhur diçka e tillë, nëse kjo ka ardhur si pasojë e thatësirës së madhe, apo si pasojë e dorës së njeriut.
Duhet të dimë se liqenet akullnajore nuk kanë burime ujore, por janë krijuar nga vetë natyra nga rrjedha e shkrirjes borës dhe shirave, ashtu siç janë mjaft delikatë nëse dora e njeriut ndërhyn në to, çka do të thotë se nëse dikush ndërhyn në rrjedhën e tyre shkarkuese, ata thahen për të mos u rigjeneruar më kurrë.
Kjo ka ndodhur në Valamarë, në një foto të siguruar eksluzivisht nga kolibir.al vihet re tharja totale e dy liqeneve në Valamarë por se nga se ka ndodhur këtë duhet ta zbulojnë autoritetet përkatëse.
Pyetja që ngrihet është vërtet u thanë nga mungesa e ujit? Apo dora e njeriut prishi ekosistemin?
Valamara vitet e fundit është një nga destinacionet më të bukura malore për hiking dhe me qindra persona e vizitojnë atë në sezone të ndryshme, por duket se këmba dhe dora e njeriut aty ku prek “than” gjithçka dhe në këtë rast Valamara por përballet me një fenomen që rrezikon ti zhdukë këto liqene.
