Fermerët e fushës së Maliqit po vijojnë me mbledhjen e qepës, e cila këtë vit ka një prodhim të mbarë.
Kultivimi i kësaj perime këtë vit është kryer me të 3 format, me qepujkë, fidanë dhe me farë. Fermeri Astrit Xhangoli nga fshati Sovjan thotë se ka mbjellë 10 HA qepë. Ai thotë se në 3 vitet e fundit, tregu ka qenë i kënaqshëm dhe shoreson që edhe këtë vit tregu të ecë.
Një ndër faktorët që ka ndikuar në pasjen e një prodhimi të mbarë, është dhe zgjedhja e farës cilësore për mbjellje, duke dhënë një produkt që është dhe rezistent në kushtet e motit në dimër.
Qepa është një kulturë që mbillet masivisht në fushën e Maliqit dhe këtë vit, fermerët kanë shtuar sipërfaqet e mbjella me të me 100 HA më tepër duke shkuar në rreth 850 HA. Zonat më potenciale ku prodhohet janë fshatrat në njësitë Pirg e Pojan.
