Korçë – Një 16-vjeçar plagoset me thikë gjatë një konflikti në lagjen nr. 10
Policia e Korçës njofton se sot rreth orës 13:20, në lagjen nr. 10, ndodhi një ngjarje e dhunshme ku një 16-vjeçar u godit me thikë dhe me përforcues grushti gjatë një konflikti të çastit. I dyshuari kryesor është shtetasi 21-vjeçar R. Ç., i cili së bashku me dy persona të tjerë ende të paidentifikuar sulmuan adoleshentin.
16-vjeçari aktualisht ndodhet në spital, ku po merr ndihmën e nevojshme mjekësore dhe është jashtë rrezikut për jetën. Policia ka nisur kërkimet për autorët e dyshuar, të cilët dyshohet se u larguan nga vendngjarja me automjet.
Grupi hetimor po punon për identifikimin e plotë të dy shtetasve të tjerë të përfshirë në këtë incident dhe për të sqaruar rrethanat që çuan në konfliktin e dhunshëm.
Njoftimi i policisë;
Korçë/Informacion paraprak
Rreth orës 13:20, në lagjen nr. 10, dyshohet se gjatë një konflikti të çastit, shtetasi Redon Çorbaxhi, 21 vjeç dhe 2 shtetas ende të paidentifikuar kanë goditur me mjet prerës (thikë) dhe me përforcues grushti, një shtetas 16 vjeç.
16-vjeçari po merr mjekim në spital dhe është jashtë rrezikut për jetën.
Shërbimet e Policisë po punojnë për kapjen e autorëve të dyshuar, të cilët dyshohet se janë larguar me automjet.
Grupi hetimor vijon punën për identifikimin e 2 shtetasve të tjerë të përfshirë në konflikt dhe për sqarimin e rrethanave të konfliktit.
