Në pikën kufitare të Kapshticës është regjistruar një rritje e ndjeshme e fluksit të hyrjeve, ndërsa emigrantët shqiptarë po kthehen në vend për të festuar festat e fundvitit pranë familjeve të tyre. Vetëm gjatë 24 orëve të fundit, në këtë pikë janë regjistruar 5,655 hyrje, ndërsa numri i daljeve ka qenë 2,527.
Ndërkohë, edhe në pikën e kalimit kufitar të Qafë Thanës fluksi ka qenë i lartë, me 2,607 hyrje dhe 2,519 dalje gjatë të njëjtës periudhë.
Autoritetet kufitare janë angazhuar maksimalisht për të përballuar fluksin, duke punuar me 4 sportele në hyrje e dy në dalje
Prurjet e shtuara në kufi lidhen me traditën e shqiptarëve emigrantë, të cilët përpiqen të kthehen në atdhe për të festuar Krishtlindjen dhe Vitin e Ri në rrethin familjar. Pritet që ky fluks të vijojë të rritet edhe në ditët në vijim.
