Prej tre ditësh dy grupe pune te OSSHE janë duke punuar për të mbajtur në kontroll situatën me furnizimin e energjisë elektrike në fshatin turistik të Dardhës.
Situata është shumë e rëndë pasi e gjithë linja e tensionit të mesëm që furnizon këtë fshat është e ngarkuar me borë të ngrirë, ashtu siç janë ngrirë dhe pemët nga ngarkesa e dëborës ku kalon një pjesë e linjës së tensionit të mesëm.
Nga ngarkesa e dëborës ka pemë te rrëzuara të cilat kanë rënë mbi linjat elektrike duke shkaktuar e ndërprerjen e energjisë në fshatin turistik.
Punonjësit fillimisht janë duke bërë prerjen e pemëve të rrëzuara dhe shkundjen e akullit në linjat elektrike.
Burime pranë OSSHE bëjnë me dije se 136 familje të fshatit Dardhë dhe fshatrave përreth mund tu rikthehet energjia elektrike mbrëmjen e sotme.
