Ndërmarrja e Shërbimeve Publike ka punuar për eleminimin e vendgrumbullimeve të mbetjeve të hedhura pa kriter. Banorë të papërgjegjshëm kishin depozituar mbetje të ndryshmve, përfshi dhe pajisje elektroshtëpiake të dala ajshtë funksionit.
Edhe pse pastrimi i territorit kryhet rregullisht, apeli që vjen është që të gjithë duhet të kujdesen për mjedisin ku jetojnë. Edhe vetë banorët e dënojnë këtë veprim i cili i sjell dëme të shumta natyrës dhe shëndetit.
Bashkia e Korçës herë pas here ndërmerr aksione pastrimi, të përqëndruara kryesisht në zonat më problematike përsa i përket ndotjes së ambjentit nga depozitimi i mbetjeve urbane. Korça e ka pasur traditë të hershme pastrimin, ku zonjat e qytetit dilnin që herët në mëngjes për të pastruar rrugicat. Kjo traditë nuk duhet të humbasë dhe kujdesi për mbrojtjen e mjedisit duhet të nisë nga vetë banorët.
