Kandidati për deputet në qarkun e Korçës, Genci Shehaj, ka prezantuar platformën e tij zgjedhore nëpërmjet një postimi në rrjetet sociale, ku rendit tre arsye kryesore pse qytetarët duhet ta mbështesin në zgjedhjet e 11 majit. Shehaj, 33 vjeç, garon nën siglën e partisë së re “Mundësia”, duke ofruar një qasje të re për të ardhmen e Korçës dhe të Shqipërisë.
Në postimin e tij, Shehaj thekson rëndësinë e sjelljes së një vizioni të freskët përmes një partie të re, që mbështet mundësitë që krijohen nga rinia dhe nga idetë e reja. “Partia ‘Mundësia’ sjell një vizion të ndryshuar dhe të freskët për të ardhmen e Korçës dhe të Shqipërisë,” shkruan ai.
Një tjetër pikë e rëndësishme në platformën e tij është përfaqësimi i sektorit privat. Si sipërmarrës me përvojë në ekonomi, Shehaj thotë se ka njohuri të thella mbi nevojat e biznesit dhe potencialin për krijimin e mundësive për të rinjtë dhe sipërmarrësit në Korçë.
Ai gjithashtu thekson angazhimin për të sjellë një zë të ri dhe të freskët në politikë, duke përfaqësuar interesat e të rinjve dhe të qytetarëve në përgjithësi. “Si një kandidat 33-vjeçar, jam i angazhuar të sjell një zë të paanshëm që njeh realitetin e sotëm dhe ka vullnetin dhe aftësinë të ndryshojë gjërat për të mirë,” shkruan ai në përfundim të postimit.
Shehaj fton qytetarët të bashkohen me platformën e tij për më shumë mundësi dhe zhvillim, duke theksuar rëndësinë e një angazhimi të ri politik për një të ardhme më të mirë për Korçën dhe Shqipërinë.
Reagimi i Gencit në rrjetin social facebook;
Tre arsye pse duhet të më mbështesni në zgjedhjet e 11 majit:
Parti e re, energji e re – Partia “Mundësia” sjell një vizion të freskët dhe të ndryshuar për të ardhmen e Korçës dhe Shqipërisë. Ne besojmë në mundësitë që krijohen nga rinia dhe ideja e re.
Përfaqësim i vërtetë i biznesit privat – Si një sipërmarrës i ri dhe me përvojë në sektorin privat, kam njohuri të thella për nevojat e ekonomisë dhe mundësitë që mund të krijojmë për të rinjtë dhe sipërmarrësit në Korçë.
Vizioni i të rinjve për të rinjtë – Si një kandidat 33 vjeçar, jam i angazhuar të sjell një zë të ri, të freskët dhe të paanshëm që e njeh realitetin e sotëm dhe ka vullnetin dhe aftësinë të ndryshojë gjërat për të mirë.
Për më shumë mundësi dhe zhvillim, bashkohu me ne dhe bëj hapin e duhur për një të ardhme më të mirë për Korçën dhe Shqipërinë!”
