Drejtoria Vendore e Policisë Korçë
Specialistët e Sektorit të Qarkullimit Rrugor arrestuan në flagrancë shtetasin S. M., 36 vjeç, banues në Ersekë. 36 vjeçari drejtonte në gjendje të dehur automjetin dhe pasi ka përplasur një automjet tjetër të parkuar u largua nga vendi i aksidentit. Si pasojë e përplasjes janë shkaktuar vetëm dëme materiale.
Specialistët për Hetimin e Krimeve në Komisariatin e Policisë Korçë referuan materialet më Prokurori, ku filloi procedimi penal për shtetasin I. D., pasi u kap duke kryer punime ndërtimi, pa leje.
Specialistët për Hetimin e Krimeve në Komisariatin e Policisë Pogradec referuan materialet në Prokurori, ku filloi procedimi penal për shtetasit:
Gj. J., 36 vjeç, banues në Vërdovë, për veprën penale ” Njoftimi i rremë në organet e rendit”, pasi telefonata e bërë nga 36-vjeçari, tek salla operative, se babai i tij kishte ushtruar dhunë ndaj nënës së tij, ishte e rremë.
A. P., 46 vjeç, dhe G. Ç., 29 vjeç, banues në Buçimas, pasi shtetasi G. Ç., ka fyer nëpërmjet tel 46-vjeçarin, ndërsa ky i fundit ka punësuar në biznesin e tij në mënyrë të kundraligjshme vëllain e 29-vjeçarit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
