Drejtuesi politik i Partisë Socialiste në qarkun e Korçës, Niko Peleshi, vijoi serinë e takimeve elektorale ku nga lagjja 17 e qytetit të Korçë rikujtoi edhe një herë se me votën e 11 majit fillon rrugëtimi europian i Shqipërisë drejt anëtarësimit në Bashkimin Europian. Ai e cilësoi këtë si një rrugë të ndritur për pasaportën europiane, ku shqiptarët do të jenë të barabartë mes të barabartëve.
Më tej, Peleshi përmendi edhe investimet madhore që do të realizohen në Korçë gjatë vitit të ardhshëm, duke filluar me gazifikimin, një nga veprat më të rëndësishme që do të ndërtohet në qytet. Ai foli gjithashtu për ndërtimin e spitalit të ri rajonal dhe projekte të tjera me ndikim të drejtpërdrejtë në jetën e komunitetit.
Në këtë takim, Niko Peleshi shoqërohej nga kandidatja e Partisë Socialiste, Besa Spaho, e cila vlerësoi mbështetjen e marrë për të qenë pjesë e familjes së madhe socialiste dhe kërkoi mbështetje masive për të votuar numrin 5 dhe Partinë Socialiste në zgjedhjet e 11 majit.
