Partia Socialiste ka siguruar një tjetër fitore të plotë në institucionet e vuajtjes së dënimit në qarkun e Korçës. Pas fitores në burgun e Drenovës, PS ka fituar edhe në burgun e grave në Pojskë, duke marrë 100% të votave.
Nga 36 gra që kanë votuar më 11 maj në këtë institucion, prej të cilave 33 janë të paraburgosura, të gjitha votat kanë shkuar në favor të Partisë Socialiste.
Ky rezultat vjen si vazhdimësi e mbështetjes së lartë që PS po merr në njësitë më të vogla, në një moment kur procesi i numërimit në nivel qarku vijon ende.
