Kapiteni Elvis Prençi pritet të jetë futbollisti i radhës i larguar nga Skënderbeu. Mbrojtësi, i cili ka dhënë një kontribut të madh në vitet e fundit, duke qenë një nga shtyllat kryesore të repartit të mbrojtjes, të ekipit korçar, e ka mbyllur zyrtarisht kontratën me klubin.
Prençi është shumë pranë kalimit në një klub në Kosovë. Në ditët në vijim pritet të vijë edhe zyrtarizimi i marrëveshjes së re për ish-kapitenin e skuadrës korçare.
Vlen të theksohet fakti se kampionati kosovar është një njohje e vjetër e 31-vjeçarit, ku nga viti 2019 deri në 2022, është aktivizuar me Llapin dhe Prishtinën.
