Pastërtia e Korçës nuk është rastësi, por një dëshmi e përditshme e kujdesit, dashurisë dhe respektit që banorët dhe institucionet e qytetit tregojnë ndaj hapësirës së përbashkët.
Prej vitesh, është kthyer në traditë që zonjat korçare të kujdesen me përkushtim për pastërtinë e rrugicave dhe oborreve, duke reflektuar një kulturë qytetare shembullore që trashëgohet brez pas brezi. Ky kujdes tradicional bashkëpunon sot me punën e palodhur të punonjësve të Ndërmarrjes së Shërbimeve Publike dhe të firmës së pastrimit, të cilët janë çdo ditë në terren, duke mbajtur rrugët dhe lagjet e qytetit të pastra dhe të mirëmbajtura.
Rrugicat karakteristike të Korçës, të pastra dhe mikpritëse, janë simbol i harmonisë mes trashëgimisë kulturore dhe përkushtimit modern për mjedisin.
Punonjësit e pastrimit kryejnë një punë të shkëlqyer në mënyrë të vazhdueshme, duke e bërë Korçën një nga qytetet më të pastra në Shqipëri dhe një model për t’u ndjekur. Ky standard i lartë pastërtie nuk është vetëm rezultat i angazhimit institucional, por edhe i ndërgjegjësimit të lartë qytetar që e dallon këtë qytet.
