Në një mbrëmje të mbushur me emocione dhe nostalgji, Odeoni i qytetit të Pogradecit u mbush me tingujt e dashur të serenatës, në koncertin “Serenatë mbi Liqen”. Ky aktivitet artistik solli në skenë atmosferën karakteristike të qytetit liqenor, duke risjellë në vëmendje vlerat e muzikës tradicionale pogradecare.
Artistë të rinj dhe grupe muzikore interpretuan këngë të njohura, që prej dekadash janë pjesë e identitetit kulturor të qytetit. Publiku përjetoi një udhëtim emocional mes melodive, vargjeve të ndjera dhe zërave që përcollën frymën qytetare.
Koncerti shërbeu si një homazh për traditën muzikore të Pogradecit dhe si një nxitje për përfshirjen e brezave të rinj në ruajtjen dhe kultivimin e saj.
“Serenatë mbi Liqen” do të vijojë edhe mbrëmjen e sotme, duke e kthyer këtë fundjavë në një festë të vërtetë muzikore për qytetarët dhe vizitorët që kanë zgjedhur të kalojnë momente magjike buzë liqenit të Pogradecit.
