Drejtoria Vendore e Policisë Korçë vijon kontrollet në kuadër të garantimit të rendit dhe sigurisë publike, si dhe respektimit të ligjit në qarkullimin rrugor.
Specialistët e Sektorit të Qarkullimit Rrugor arrestuan në flagrancë një 20-vjeçar nga Korça, i cili u kap duke drejtuar automjetin pa leje drejtimi. Po ashtu, nisi procedimi penal për një 17-vjeçar, për të njëjtën vepër penale.
Ndërkohë, në Pogradec, një 33-vjeçar është kallëzuar penalisht pasi ka kundërshtuar një punonjës të Policisë Rrugore, i cili i kishte kërkuar të paraqiste dokumentacionin e mjetit që drejtonte.
Në Kolonjë, gjatë një kontrolli të territorit në fshatin Radovickë, janë konstatuar 4 bimë të dyshuara narkotike të llojit Cannabis Sativa. Policia ka nisur hetimet për identifikimin dhe kapjen e autorëve të kësaj veprimtarie të paligjshme.
Të gjitha materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
