Skënderbeu prezanton përforcimin e parë të madh për sezonin 2025/26 në volejbollin e meshkujve: Luis Filippe, një emër me potencial të lartë ndërkombëtar, është lojtari më i ri që i bashkohet skuadrës korçare.
Organizatori brazilian do të mbajë fanellën me numrin 1 dhe vlerësohet për teknikën e pastër, shkathtësinë dhe qetësinë që ruan në momentet vendimtare të lojës. Ai shihet si lojtari që do të udhëheqë ritmin e skuadrës dhe do të forcojë ndjeshëm strukturën taktike të ekipit.
“Me këtë afrim, Skënderbeu konfirmon synimet për të ndërtuar një skuadër konkurruese dhe të orientuar drejt rezultateve,” – thuhet në njoftimin zyrtar të klubit.
Transferimi i Luis Filippe është lëvizja e parë e bujshme në një merkato që pritet të jetë aktive dhe ambicioze për ekipin korçar. Objektivat janë të qarta: përfaqësim dinjitoz në kampionat dhe rritje cilësore në nivel loje, ku figura si Filippe do të jenë kyçe për suksesin.
