Adma Mikopula është një nga emrat më të lakuar në merkaton e volejbollit këtë verë. Organizatorja shkodrane, e cila ka një të kaluar me ekipin e Skënderbeut, është në radarët e klubit korçar për sezonin e ri.
Pas tri sezonesh më parë me Skënderbeun, Mikopula është aktivizuar fillimisht me Pogradecin dhe së fundmi me Vllazninë. Klubi korçar dëshiron ta rikthejë në skuadër, por bisedimet ende nuk kanë marrë një përgjigje përfundimtare nga lojtarja.
Ndërkohë, interes për të ka shfaqur edhe Tirana, gjë që mund të ndikojë në vendimin e saj. Stafi teknik i Skënderbeut, i udhëhequr nga trajnerët Haxhillari dhe Shishi, dëshiron të ketë një organizatore vendase në ekip, për të shmangur afrimin e një lojtareje të huaj në një pozicion kaq të rëndësishëm.
Për këtë arsye, Adma Mikopula shihet si profili ideal. Vendimi i saj pritet të përcaktojë edhe lëvizjet e tjera të merkatos së Skënderbeut.
