Radhë të gjata janë regjistruar sërish sot në pikën kufitare me Maqedoninë e Veriut, si në hyrje, ashtu edhe në dalje të territorit shqiptar. Fluksi i lartë i lëvizjeve në të dy drejtimet ka shkaktuar ngarkesë të konsiderueshme, duke sjellë vonesa për udhëtarët, të cilët janë detyruar të presin për orë të tëra në kufi.
Policia kufitare shqiptare dhe ajo maqedonase po punojnë me kapacitet të plotë dhe, në raste të veçanta, po zbatojnë procedura të përshpejtuara për të mundësuar përpunimin më të shpejtë të dokumenteve dhe kryerjen e kontrolleve rutinë. Megjithatë, situata mbetet e ngarkuar dhe pritjet vazhdojnë.
Vetëm një ditë më parë, në pikën kufitare të Qafë Thanës, kanë hyrë 5,311 shtetas dhe kanë dalë 4,516 të tjerë.
