Një mbrëmje magjike ka përmbyllur edicionin e parë të Festivalit Ndërkombëtar të Bandave Frymore “LULU FEST”, me natën e tretë që u zhvillua në ambientet e Galerisë së Arteve Digjitale në Korçë.
Koncerti gala solli në skenë energjinë, pasionin dhe harmoninë e bandave pjesëmarrëse, të ardhura nga vende të ndryshme brenda dhe jashtë Shqipërisë. Nën tingujt e frymorëve, qyteti i Korçës u mbush me ritëm, emocion dhe krenari për trashëgiminë kulturore që e bashkon me muzikën.
Përmes këtij festivali, Korça dëshmoi sërish rolin e saj si qendër e rëndësishme kulturore dhe artistike, duke ofruar një përvojë të paharrueshme për publikun vendas dhe vizitorët e shumtë.
“LULU FEST” është organizuar nga Bashkia Korçë dhe Qendra e Artit dhe Kulturës, me qëllim promovimin e muzikës frymore dhe të bashkëpunimit artistik mes bandave nga vende të ndryshme.
