Kryetari i Bashkisë Korçë, Sotiraq Filo, priti sot në një takim zyrtar Ambasadorin e Italisë në Shqipëri, z. Marco Alberti.
Në qendër të këtij takimi ishin diskutimet për thellimin e bashkëpunimit dypalësh dhe shkëmbimin e eksperiencave në fusha me rëndësi strategjike për zhvillimin e qëndrueshëm të qytetit.
Gjatë bisedës, u ndanë ide dhe qëllime të përbashkëta për projekte konkrete në arsim, teknologji, agrobiznes dhe turizëm – sektorë që përbëjnë prioritet në strategjinë zhvillimore të Bashkisë Korçë.
Kryetari i bashkisë theksoi rëndësinë e mbështetjes së gjeneratës së re, përmes programeve që nxisin formimin profesional dhe krijojnë mundësi të reja punësimi.
Vizita e ambasadorit Alberti shënon një tjetër hap drejt forcimit të lidhjeve mes Korçës dhe partnerëve italianë në projekte që synojnë inovacionin, zhvillimin ekonomik dhe përmirësimin e cilësisë së jetës.
