Një 82-vjeçar ka humbur jetën pasi automjeti që ai drejtonte doli nga rruga dhe u përplas me një shtyllë në aksin Çermë-Divjakë.
Sipas njoftimit të policisë, drejtuesi i mjetit me inicialet H. D. ka humbur kontrollin e makinës gjatë udhëtimit. Pas përplasjes, ai është transportuar menjëherë për ndihmë mjekësore në spital, por nuk ka mundur t’u mbijetojë plagëve të marra dhe ka ndërruar jetë.
Grupi hetimor ndodhet në vendin e ngjarjes dhe po punon për dokumentimin dhe sqarimin e plotë të rrethanave që çuan në këtë aksident rrugor.
