Policia Rrugore e Korçës ka ndëshkuar me 820 gjoba dhe ka arrestuar 4 persona gjatë një jave, si rezultat i një plani masiv monitorimi në të gjitha akset e qarkut.
Për të përballuar fluksin e shtuar të automjeteve gjatë sezonit veror dhe për të parandaluar aksidentet me pasoja, autoritetet kanë nisur një monitorim intensiv. Sipas njoftimit, në terren po përdoren mjete të avancuara teknologjike, duke përfshirë dronë, radarë dhe makina inteligjente për të rritur sigurinë rrugore.
Ky aksion i gjerë po mbikëqyret nga Shefi i Seksionit të Policisë Rrugore pranë Drejtorisë Vendore të Policisë Korçë, Komisar Qemal Hoxha, i cili po ndjek nga afër masat për menaxhimin e trafikut në këtë periudhë të ngarkuar të vitit.
