Qendra Kombëtare e Urgjencës Mjekësore ka sqaruar se helikopterët e saj nuk kryejnë misione transporti gjatë natës, pas debateve të ditëve të fundit lidhur me mungesën e ndihmës ajrore për një 37-vjeçare shtatzënë në Pogradec.
Reagimi zyrtar i institucionit u publikua në kanalin e tij në rrjetin social Facebook, pas shqetësimit publik të krijuar nga ngjarja ku pacientja humbi jetën së bashku me foshnjën e saj 7-muajshe.
Përmes këtij njoftimi, Urgjenca Kombëtare kërkoi të sqarojë procedurat e saj operative, duke theksuar kufizimet që pengojnë kryerjen e misioneve ajrore gjatë orëve të natës.
