Për Klajdin, angazhimi në Agjenci përfaqëson një zgjedhje të vetëdijshme për të kontribuar në një institucion me rol thelbësor dhe strategjik në koordinimin e fondeve të BE-së dhe donatorëve të tjerë, për forcimin e partneriteteve ndërkombëtare, si dhe për të mbështetur drejtpërdrejtë në zhvillimin e qëndrueshëm të vendit.
I emëruar së fundmi si drejtor i Drejtorisë së Konvergjencës dhe Kohezionit, i diplomuar në ShBA, pjesë e botës akademike. Ai vjen nga një eksperiencë disa vjeçare dhe angazhime në menaxhimin e fondeve të para-anëtarësimit IPA dhe IPARD.
Ndërkohë, udhëheq koordinimin dhe zbatimin e programeve ndërkufitare (CBC) dhe ndër-rajonal (Interreg), me synim rritjen e kohezionit territorial dhe fuqizimin e institucioneve përmes partneriteteve ndërkombëtare.
Në Agjencinë tonë, besojmë se çdo individ ka potencialin për të arritur më shumë, prandaj krijojmë hapësira ku talenti zhvillohet, përvoja rritet dhe mundësitë kthehen në arritje konkrete. Ne ofrojmë një ambient frymëzues, ku mbështetja, bashkëpunimi dhe përkushtimi janë çelësi për të ndërtuar një karrierë të suksesshme.
