Institucionet e arsimit të lartë në vend, përfshirë ato në Korçë dhe Gjirokastër, po përgatiten të mirëpresin studentë të huaj që vijnë nga Bangladeshi, Filipinet, Pakistani dhe vende të tjera të largëta. Ky zhvillim pason ardhjen e punëtorëve nga vendet e treta, duke e shtrirë tashmë praninë e tyre edhe në auditorët universitarë.
Rritja e interesit është konfirmuar nga rektori i Universitetit “Eqrem Çabej” në Gjirokastër, Jaho Canaj, i cili ka bërë të ditur se aplikimet dhe kërkesat e të rinjve të huaj për të ndjekur studimet në Shqipëri po shënojnë rritje të vazhdueshme.
Shtimi i kërkesave nga shtete si Bangladeshi, Filipinet dhe Pakistani pritet të sjellë një profil të ri studentësh ndërkombëtarë në qytetet universitare shqiptare, duke zgjeruar bashkëpunimin arsimor përtej kufijve tradicionalë rajonalë.
Foto ilustruese.
