Kandidati për kryetar bashkie në qytetin e Maliqit, Alfred Gega, duket se nuk është dhe aq aktiv me fushatën elektorale po ashtu edhe në rrjetet sociale. Kjo vjen si pasojë se nuk ka se çfarë të postojë dhe të pasqyrojë te votuesit që e ndjekin elektronikisht.
Ai shfrytëzon ditët kur hapet tregu në fshatra dhe del e takon qytetarë që kanë dalë për të psonisur dhe jo për t’u takuar me të. Dita e tregut në fshat bën që të ketë shumë lëvizje dhe qytetarë që dalin dhe bëjnë blerje të ndryshme.
Dy janë poste ku Alfred Gega shihet me banorë dhe këto dy ditë janë në Maliq, ditën e hënë që ka treg dhe në Sheqeras.
Mesa duket skuadra e Alfredit nuk mbledh dot banorë për të bërë takime dhe fjalime, ndaj ata shfrytëzojnë të tilla mundësi.
