Në fshatin Velitërnë, Njësia Administrative Pirg, Bashkia Maliq ka ndërmarrë aksionin për lirimin e hapësirave publike nga ndërtime pa leje, kryesisht objekte pa funksion ose të ndërtuara pa qëllim, të cilat zinin hapësira në qendër të fshatit.
Ky ndërhyrje synon rikthimin e këtyre sipërfaqeve në shërbim të komunitetit, duke përmirësuar mjedisin urban dhe funksionalitetin e hapësirave publike për banorët.
Autoritetet vendore falënderojnë banorët e zonës për mirëkuptimin dhe bashkëpunimin e treguar gjatë këtij procesi, ndërsa theksojnë se puna për sistemimin dhe vënien në funksion të hapësirave publike do të vijojë edhe në zona të tjera.
