Nuk janë pamje të zonave të luftës në lindje të Evropës. Këto pamje, të ngjashme si ato të pasojave të bombardimeve janë në fshatin Roshanj të Korçës. Këto dy familje përbëhen vetëm nga 5 persona, nga të paktën 150 që ka pasur fshati dikur. Ato që kanë mbetur tregojnë arsyet e kësaj braktisje masive.“Janë larguar nga kushtet, nuk ka rrugë, nuk ka ujë. Kanë qenë 30 familje para 20 vjetësh kur kam ardhur nuse, sot janë vetëm 2. Shtëpitë kanë rënë komplet”, tregon një nga banoret.“Mungojnë ujë rrugë. Jetoj vetëm me vëllain dhe mamanë. Jemi vetëm 5 banorë. Unë merrem me blegtori”, thotë një banor.Madje edhe në periudha zgjedhore askush nuk kujtohet për Roshanjin.“Asnjë nuk ka shkelur këtu”, thotë banorja.Ndoshta është çështje kohe që edhe këta 5 banorë të largohen diku tjetër dhe atëherë Roshanji do të jetë në kuptimin e plotë të fjalës një toponim në paqe me natyrën e bukur që e rrethon, por që njeriu për shumë pak investime bazike nuk ka mundur të shfrytëzojë.
