Një plagosje me armë zjarri ka ndodhur këtë të enjte në qytetin e Korçës, ku i plagosur ka mbetur shtetasi Dhimitër Shaka, i cili është transportuar me urgjencë drejt spitalit për të marrë ndihmën e nevojshme mjekësore.
Burimet e para bëjnë me dije se i dyshuari për këtë ngjarje është shtetasi Nikolin Tarusha. Mësohet se i dëmtuari dhe i dyshuari kanë lidhje familjare me njëri-tjetrin, duke qenë se janë kushërinj.
Sipas të dhënave paraprake, dy të afërmit kanë qenë së bashku në një automjet në momentin kur ka ndodhur konflikti. Gjatë këtij momenti, Tarusha dyshohet se ka nxjerrë armën e zjarrit dhe ka qëlluar në drejtim të Shakës, duke e plagosur atë në këmbë.
Foto ilustruese.
