Dikur opozitar i fortë, sot avokat Xhafa mbështet Isain në Kolonjë
Para 4 viteve kur kandidonte kryetari i bashkisë së Kolonjës Erion Isai për këtë post, një nga zërat kundërshtare ishte avokat Esmerald Xhafa, asakohe zyrtar edhe i LSI.
Sot, për shkak edhe të punës së kryer në atë zonë avokati i mirënjohur ka vendosur të mbështesë Erion Isain, duke bërë thirrje për ta votuar atë.
Ky është postimi i tijDy fjalë për zgjedhjet.Të gjithë e dini se sa shumë kam luftuar me Erionin, para se ai të vinte në drejtimin e bashkisë Kolonjë.
Gjatë këtij mandati ka bërë për bashkinë Kolonjë më shumë punë se çkanë bërë të gjithë kryetarët e marrë së bashku, përfshi edhe ata të ish bashkisë Leskovik. Erion Isai ka treguar se është një djalë i palodhur, që ka ide, dhe punon për realizimin e tyre duke lobuar fort brenda dhe jashtë vendit.
Bashkia kolonjë ka provuar të drejtohet nga Mjek, por koha ka treguar që një mjek i mirë mund të jetë njeri i mirë por smund të jetë një menaxhues i mirë , kryetar mirë.
Edhe anëtarët e këshillit bashkiak të kolonjës që do të përfaqësojnë Leskovikun, janë njerëz me vlera që e duan Leskovikun.
Ka shumë arsye pse ne duhet të mbështesim me votë Erionin dhe këshilltarët e listës së Partisë Socialiste për një mandat të ri.
Zgjidhni njerëzit të cilët kanë vizion,kanë dëshirë për të zhvilluar atë zonë e cila është shpopulluar,jepuni mundësinë për të bërë punë të mira.
